પશુપતીંદુપતિં ધરણીપતિં ભુજગલોકપતિં ચ સતીપતિમ્ ।
પ્રણતભક્તજનાર્તિહરં પરં ભજત રે મનુજા ગિરિજાપતિમ્ ॥1॥
ન જનકો જનની ન ચ સોદરો ન તનયો ન ચ ભૂરિબલં કુલમ્ ।
અવતિ કોઽપિ ન કાલવશં ગતં ભજત રે મનુજા ગિરિજાપતિમ્ ॥2॥
મુરજડિંડિમવાદ્યવિલક્ષણં મધુરપંચમનાદવિશારદમ્ ।
પ્રમથભૂતગણૈરપિ સેવિતં ભજત રે મનુજા ગિરિજાપતિમ્ ॥3॥
શરણદં સુખદં શરણાન્વિતં શિવ શિવેતિ શિવેતિ નતં નૃણામ્ ।
અભયદં કરુણાવરુણાલયં ભજત રે મનુજા ગિરિજાપતિમ્ ॥4॥
નરશિરોરચિતં મણિકુંડલં ભુજગહારમુદં વૃષભધ્વજમ્ ।
ચિતિરજોધવલીકૃતવિગ્રહં ભજત રે મનુજા ગિરિજાપતિમ્ ॥5॥
મખવિનાશકરં શશિશેખરં સતતમધ્વરભાજિફલપ્રદમ્ ।
પ્રળયદગ્ધસુરાસુરમાનવં ભજત રે મનુજા ગિરિજાપતિમ્ ॥6॥
મદમપાસ્ય ચિરં હૃદિ સંસ્થિતં મરણજન્મજરામયપીડિતમ્ ।
જગદુદીક્ષ્ય સમીપભયાકુલં ભજત રે મનુજા ગિરિજાપતિમ્ ॥7॥
હરિવિરંચિસુરાધિપપૂજિતં યમજનેશધનેશનમસ્કૄતમ્ ।
ત્રિનયનં ભુવનત્રિતયાધિપં ભજત રે મનુજા ગિરિજાપતિમ્ ॥8॥
પશુપતેરિદમષ્ટકમદ્ભુતં વિરચિતં પૃથિવીપતિસૂરિણા ।
પઠતિ સંશઋણુતે મનુજઃ સદા શિવપુરીં વસતે લભતે મુદમ્ ॥9॥
ઇતિ શ્રીપશુપત્યષ્ટકં સંપૂર્ણમ્ ॥