ପଶୁପତ୍ୟଷ୍ଟକମ୍

ପଶୁପତୀଂଦୁପତିଂ ଧରଣୀପତିଂ ଭୁଜଗଲୋକପତିଂ ଚ ସତୀପତିମ୍ ।
ପ୍ରଣତଭକ୍ତଜନାର୍ତିହରଂ ପରଂ ଭଜତ ରେ ମନୁଜା ଗିରିଜାପତିମ୍ ॥1॥

ନ ଜନକୋ ଜନନୀ ନ ଚ ସୋଦରୋ ନ ତନୟୋ ନ ଚ ଭୂରିବଲଂ କୁଲମ୍ ।
ଅଵତି କୋଽପି ନ କାଲଵଶଂ ଗତଂ ଭଜତ ରେ ମନୁଜା ଗିରିଜାପତିମ୍ ॥2॥

ମୁରଜଡିଂଡିମଵାଦ୍ୟଵିଲକ୍ଷଣଂ ମଧୁରପଂଚମନାଦଵିଶାରଦମ୍ ।
ପ୍ରମଥଭୂତଗଣୈରପି ସେଵିତଂ ଭଜତ ରେ ମନୁଜା ଗିରିଜାପତିମ୍ ॥3॥

ଶରଣଦଂ ସୁଖଦଂ ଶରଣାନ୍ଵିତଂ ଶିଵ ଶିଵେତି ଶିଵେତି ନତଂ ନୃଣାମ୍ ।
ଅଭୟଦଂ କରୁଣାଵରୁଣାଲୟଂ ଭଜତ ରେ ମନୁଜା ଗିରିଜାପତିମ୍ ॥4॥

ନରଶିରୋରଚିତଂ ମଣିକୁଂଡଲଂ ଭୁଜଗହାରମୁଦଂ ଵୃଷଭଧ୍ଵଜମ୍ ।
ଚିତିରଜୋଧଵଲୀକୃତଵିଗ୍ରହଂ ଭଜତ ରେ ମନୁଜା ଗିରିଜାପତିମ୍ ॥5॥

ମଖଵିନାଶକରଂ ଶଶିଶେଖରଂ ସତତମଧ୍ଵରଭାଜିଫଲପ୍ରଦମ୍ ।
ପ୍ରଳୟଦଗ୍ଧସୁରାସୁରମାନଵଂ ଭଜତ ରେ ମନୁଜା ଗିରିଜାପତିମ୍ ॥6॥

ମଦମପାସ୍ୟ ଚିରଂ ହୃଦି ସଂସ୍ଥିତଂ ମରଣଜନ୍ମଜରାମୟପୀଡିତମ୍ ।
ଜଗଦୁଦୀକ୍ଷ୍ୟ ସମୀପଭୟାକୁଲଂ ଭଜତ ରେ ମନୁଜା ଗିରିଜାପତିମ୍ ॥7॥

ହରିଵିରଂଚିସୁରାଧିପପୂଜିତଂ ୟମଜନେଶଧନେଶନମସ୍କୄତମ୍ ।
ତ୍ରିନୟନଂ ଭୁଵନତ୍ରିତୟାଧିପଂ ଭଜତ ରେ ମନୁଜା ଗିରିଜାପତିମ୍ ॥8॥

ପଶୁପତେରିଦମଷ୍ଟକମଦ୍ଭୁତଂ ଵିରଚିତଂ ପୃଥିଵୀପତିସୂରିଣା ।
ପଠତି ସଂଶ‍ଋଣୁତେ ମନୁଜଃ ସଦା ଶିଵପୁରୀଂ ଵସତେ ଲଭତେ ମୁଦମ୍ ॥9॥

ଇତି ଶ୍ରୀପଶୁପତ୍ୟଷ୍ଟକଂ ସଂପୂର୍ଣମ୍ ॥